نوشہرہ۔31اگست (اے پی پی):صدر مملکت ڈاکٹر عارف علوی آکھیے جو سیلاب متاثرین متاثرین دی بحالی، گھراں دی ول تعمیر کیتے صوبائی حکومت اقدامات دی رفتار مزید تکھی کرے۔سیلاب متاثرین دی اوکھ مکاوݨ کیتے ضروری اقدامات کیتے ونڄن، پوری قوم دل کھول تے متاثرین دی امداد کرے ۔اے ڳالھ انہاں ٻدھ کوں نوشہرہ سیلاب متاثرہ علاقے دا دورہ کریندے ہوئیں آکھی اے ، ایں موقع تے صدر مملکت کوں مردان پل تے ضلعی حکام دی طرفوں سیلاب تے بریفنگ ݙتی ڳئی ۔ بریفنگ اچ ݙسایا ڳئے جو نوشہرہ دے علاقے اچ سیلاب توں تقریباً ھک لکھ پنجاہ ہزار لوک متاثر تھئن ،سیلاب متاثرین دی امداد کیتے 100 امدادی کیمپ لاتے ڳئن، کیمپاں اچ 25 ہزار متاثرین موجود ہن ، خیبرپختونخوا حکومت سیلاب متاثرین کیتے امدادی رقم ݙوگنا کرݙتی اے ، سیلاب دی وختی اطلاع پاروں آبادی کوں ویلھے سر محفوط جاہ تے منتقل کرݙتا ڳیا ،حفاظتی بند اپݨی صلاحیت توں ودھ سیلابی ریلا برداشت کیتا۔ صدر مملکت آکھیے جو پاکستانی قوم ہمیشہ اوکھے ویلھے آپݨے بھراویں دی مدد کیتی اے ، فوجی و سول اداریں اتے فلاحی تنظیماں سیلاب متاثرین دی امداد کیتے ٻہوں چنڳاں کم کیتے ۔
