لاہور۔9جون (اے پی پی):وفاقی وزیر ریلوے محمد اعظم خان سواتی آکھیے جو ملت و سرسید ایکسپریس ریل ڳاݙیاں دے تصادم اچ 63مسافر جاں بحق اتے107زخمی تھئن جنہاں اچوں 20زخمی ہسپتال اچ زیر علاج ہن،3 زخمیاں دی حالت نازک اے،جاں بحق تھیوݨ آلیں دے وارثاں کوں 15لکھ جݙاں جو زخمی کوں50ہزارتوں 3لکھ روپے تئیں ݙٰیسوں ،ݙوہیں ریل ڳاݙیاں دا بلیک بکس گھن ڳھدے ،تحقیقات اچ ترائے توں چار ??فتے لڳسن ،ریلوے ٹریک کوں وختی ٹھیک کرݨ کیتے 60ارب روپے درکار ??ن۔ اے ڳالھ انہاں ٻدھ دے ݙینھ اتھاں ریلوے ہیڈ کوارٹرز اچ پریس کانفرنس توں خطاب کریندے ہوئیں آکھی اے ۔وزیر ریلوے آکھیے جو ریلیف آپریشن اچ شامل رہ ڳیاں تے چھوٹی توں چھوٹی چیز کوں خود ݙٹھے ،ݙو دفعہ ہسپتالاں اچ ونڄ تے زخمیاں دے عزیز و اقارب نال وی ملاقات کیتی ۔ انہاں آکھیے جو ریل ڳاݙیاں دے المناک حادثے اچ 63قیمتی جاناں چلیاں ڳئن جݙاں جو 107مسافر زخمی تھئن جنہاں اچوں شیخ زید ہسپتال رحیم یار خان اچ 20زخمی داخل ہن جنہان اچ 3دی حالت تشویشناک اے جݙاں جو ݙو توں ترائے مسافر معذور تھی چکئن جنہاں کوں احساس پروگرام اچ رلایا ویسی ۔ انہاں آکھیے جو ہسپتال اچ زخمیاں دے رشتہ دار دے نال ھک ریلوے افسر موجود اے جیڑھا انہاں کوں کھاوݨ پیوݨ تے رہائش دے بندو بست دا ذمہ دار اے ۔انہاں آکھیے جو او ہفتے تئیں لاہور اچ ہن ہر روز ریلوے افسران دے نال میٹنگز کرتے ریلوے متعلقہ امور زیر بحث گھن آئے ویسن ۔ریل ڳاݙی حاد ثہ دی تفصیلات ݙسیندے ہوئیں وفاقی وزیر آکھیے جو ملت و سرسید ایکسپریس دا حادثہ 3:38وجے تھیا ، ملت ایکسپریس دیاں بوڳھیاں لہہ تے ݙوجھے ٹریک تے ڳیاں ݙوجھے پاسوں ھک منٹ توں گھٹ ویلھے اچ سرسید ایکسپر یس آڳئی جیں نال تصادم تھی ڳیا،12ٻوڳھیاں ڈی ریل تھیوݨ پاروں حاد ثہ تھی?? اے ایندی اصل وجہ اے ۔ انہاں آکھیے جو 1990 دے بعد پاکستان اچ ڈیل ریل تھیوݨ پاروں اے ݙوجھا وݙا حادثہ اے ۔ انہاں آکھیے جو کوٹری توں گھن تے خانپور تئیں 520کلومیٹر دا ٹریک خطرناک اے،ٹریک 1971د?? اے جیں کوں 20توں 25سال بعد اپ گریڈ کرݨا چ??ہیدا ہئی جݙاں جو سلیپر 2003دے ہن جنہاں اچوں 4توں 5 فیصد سلیپر خراب ہن ،ریسکیو ٹرین کوں وی سٹارٹ تھیوݨ اچ 45منٹ لڳدن اے ریل ڳاݙی وی تقریبا ڈھائی گھنٹے لیٹ پجی ایں معاملے کوں وی ݙیکھدے پیوں جیڑھا وی قصور وار تھیا اینکوں معاف نہ کیتا ویسی۔ انہاں آکھیے جو ریلوے توں تاں پورے ملک کوں فیدہ تھیندے ، اساکوں 60ارب روپے مل ونڄن تاں اساں ریلوے دے ایم ایل ون منصوبے کوں شروع کرسڳدوں ۔جائے حاد ثہ تے ریلوے افسراں دے دیر نال پڄݨ دے سوال دے جواب اچ وفاقی وزیر آکھیے جو انکوائری تھیندی پئی اے حتمی رپورٹ آوݨ تے ذمے وار سا??ݨے آویسن ،کوتاہی دے مرتکب افسران بچ نہ سڳسن ۔
.jpg)
.jpg)
.jpg)