اسلام آباد۔6ستمبر (اے پی پی):صدر مملکت ڈاکٹر عارف علوی آکھیے جنگِ ستمبرساݙی تاریخ اچ غیر متزلزل قومی عزم، پیشہ ورانہ مہارت اتے جذبہ حب الوطنی تے قربانی دی علامت دے طور تے ھک یادگار حیثیت رکھیندی اے ،اڄ دے ݙینھ اساں امن دے ودھارے تے پرامن بقائے باہمی دی اپݨی پالیسی ت?? عمل کرݨ دے عزم دا اعادہ کریندوں ،اساکوں آپݨی قومی تے بین الاقوامی ذمہ واریاں دا پتہ اے اتے اقوام متحدہ دے پرچم تلے دنیا اچ امن دے قیام سانڳے آپݨا کردار نبھیندے رہ ویسوں ،جموں تے کشمیر دا پراݨا جھیڑا حل تھیوݨ دے انتظار وچ اے ۔ایوان صدر دے پریس ونگ توں جاری بیان موجب اے ڳالھ انہاں 6 ستمبر 2023 ء کوں یومِ دفاع و شہداء دے موقع تے آپݨے خصوصی پیغام اچ آکھی اے ۔صد??مم??کت آکھیے اساں مادرِ وطن دی خاطر اپݨی جاناں قربان کرݨ آلے شہیداں تے انہاں دے گھر آلیں کوں خراج تحسین پیش کرݨ سانڳے 6 ستمبر کوں یومِ دفاع تے شہداء منیندوں ،58سال پہلے اڄ دے ݙینھ ساݙی مسلح فوج اتے پوری پاکستانی قوم ??یر معمولی جرأت اتے بے مثال جذبے دا مظاہرہ کریندے ہوئیں دشمن دے ناپاک عزائم کوں ونڄا ??تا ہئی ۔اڄ دے ݙینھ مادرِ وطن دے بہادر پُتراں دشمن دے خلاف بغیر ݙر دے لڑدے ہوئیں تاریخ دا روشن باب رقم کیتا، اڄ اساں انہاں شہیداں کوں سلام پیش کریندوں جنہاں دفاعِ وطن دا فریضہ نبھیندے ہوئیں آپݨیاں جاناں ݙتیاں ۔
