اسلام آباد۔24جون (اے پی پی) وزیرِ اعظم عمران خان نال چیئرمین کشمیر کمیٹی شہریار آفریدی اتے وزیر برائےسمندری امور سید علی حیدر زیدی خمیس کوں ملاقات کیتی۔ وزیراعظم آفس دے میڈیا ونگ توں جاری بیان دے مطابق ملاقات اچ شہریار آفریدی ، وزیرِ اعظم کوں کشمیر کمیٹی دی کارکردگی بارے ݙسیا۔ ایندے علاوہ کوہاٹ اچ جاری ترقیاتی منصوبیاں تے پیشرفت اتے انہاں دے عام لوکاں تے پووݨ آلے مثٻت اثرات تے وی ڳالھ مہاڑ کیتی ڳئی۔
