اسلام آباد۔24دسمبر (اے پی پی):وزیر اعظم عمران خان تعمیراتی منصوبیں اچ ماحولیاتی تحفظ کوں یقینی بݨاوݨ دی ہدایت کریندے ہوئیں آکھیے جو ودھدی شہری آبادی پاروں پیدا تھیوݨ آلے مسئلیں دے حل کیتے ضروری اے جو شہراں دے ماسٹر پلان کوں نویں سروں بݨایا ونڄے ۔اے ڳالھ انھاں قومی رابطہ کمیٹی ہاؤسنگ، تعمیرات و ڈویلپمنٹ دے ہفتہ واراجلاس دی صدارت کریندے ہوئیں آکھی اے ۔ سروئیر جنرل آف پاکستان اجلاس کوݨ کیڈسٹرل میپنگ (زمین کی پیمائش) دے حوالے نال بریف کیتا ڳیا ۔ اجلاس کوں ݙسایا ڳیا جو اسلام آباد، لاہور، کراچی، پشاور اتے کوئٹہ اچ میپنگ دا عمل جاری اے ایندے توں علاوہ ٻئے چھوٹے شہراں اتے دیہاتی علاقیں دا ڈیٹا مل چکے جیں کوں ݙیجیٹائز کیتا ویندا پئے ۔ ایں عمل توں زمین دی اصل ملکیت دے تعین دے حوالے نال پیش آندے مسئلے دا خاتمہ تھیسی بہتر منصوبہ بندی اچ مدد ملسی ۔ جنگلات، واپڈا، ریلوے،اوقاف اتے ٻئے سرکاری زمیناں دے حدود دا تعین تھی سڳسی ۔وزیر اعظم سارے صوبائی چیف سیکرٹریز کوں ہدایت ݙتی جو صوبائی لینڈ ریکارڈ وختی توں وختی سروئیر جنرل کوں ݙتا ونجے ت??ں جو میپنگ دا عمل مکمل تھیوے ۔چیف سیکرٹری پنجاب صوبے اچ شہراں دی ماسٹر پلاننگ بارے ہݨ تئیں دی پیشرفت بارے ݙسایا۔
