اسلام آباد۔16اگست (اے پی پی) وزیراعظم محمد شہباز شریف آکھیے جو “چینی کمپنی ولوں جناح میڈیکل کمپلیکس ہسپتال کیتے عالمی معیار دا کنسیپٹ ڈیزائن بغیر کہیں معاوضے دے بݨاوݨا پاک چین دوستی اتے عوامی رابطیں دی مضبوطی دا منہ ٻولیندا ثبوت اے، ان??اں چینی کمپنی ولوں تیار کیتے ڳئے ڈیزائن دی ٹیکنیکل فزیبلٹی رپورٹ تیار کرݨ دی ہدایت کیتی۔ وزیراعظم دفتر دے میڈیا ونگ توں جاری پریس ریلیز موجب ہفتے کوں وزیراعظم محمد شہباز شریف دی زیرِ صدارت جناح میڈیکل کمپلیکس اتے ریسرچ سینٹر تے جائزہ اجلاس تھیا۔ اجلاس کوں چینی کمپنی ہانگ کانگ آہوا ولوں تیار کیتے ڳئے کمپلیکس دا کنسیپٹ ڈیزائن پیش کیتا ڳیا۔ گزریل 30 سالاں توں ہک ہزار توں ودھ ہسپتالاں دے ڈیزائن تیار کرݨ دا تجربہ رکھݨ آلی ہانگ کانگ آوہوا کمپنی ہسپتال دا کنسیپٹ ڈیزائن بغیر کہیں معاوضے دے تیار کیتا۔ اجلاس کوں تفصیلی طور تے ہسپتال دے ڈیزائن دے بارے اچ ݙسیا ڳیا۔ وزیراعظم آکھیا جو “چینی کمپنی دا پاکستان دے ہسپتال کیتے عالمی معیار دا کنسیپٹ ڈیزائن بغیر کہیں معاوضے دے بݨاوݨا پاک چین دوستی اتے عوامی رابطیں دی مضبوطی دا منہ ٻولیندا ثبوت اے۔ وزیرِاعظم آکھیا جو چینی کمپنی دی قیادت اتے ڈیزائن دی تشکیل اچ حصہ گھنݨ آلے ہر اہلکار دے دلوں شکر گزار ایسے، چینی کمپنی دے ایں ??حف?? کوں حکومت، پاکستانی عوام اتے ایں ہسپتال توں صحت مند تھیوݨ آلے لوک ہمیشہ یاد رکھیسن، جناح میڈیکل کمپلیکس کوں عالمی معیار موجب ٹرشری کیئر دا ہسپتال بݨایا ویسی۔ وزیرِاعظم ہدایت کیتی جو چینی کمپنی ولوں تیار کیتے ڳئے ڈیزائن دا ٹیکنیکل جائزہ کرایا ونڄے، کمپلیکس دی ڈیجیٹلائزیشن اتے ایں اچ مصنوعی ذہانت دا استعمال کیتا ونڄے، خوش آئند اے جو کنسیپٹ ڈیزائن اچ مستقبل اچ کہیں وی وبا دے حوالے نال ہنگامی صورتحال نال نبڑݨ دی مکمل منصوبہ بندی وی شامل اے۔ وزیرِاعظم ہدایت کیتی جو منصوبے اچ ماحول دے تحفظ، پاݨی دی بچت اتے وسائل دے بہتر استعمال کوں ذہن اچ رکھیا ونڄے۔ وزیرِاعظم ڈیزائن اچ شمسی توانائی، قدرتی روشنی دے بہتر استعمال، پاݨی دی ری سائیکلنگ اتے ماحول کوں ساوا رکھݨ کیتے اقدامات تے وی اطمینان دا اظہار کیتا۔ وزیرِاعظم جناح میڈیکل کمپلیکس دے نظام ??وں اسلام آباد دے ݙوجھے ہسپتالاں نال ڈیجیٹل طریقے نال جوڑݨ دے حوالے نال وی ہدایت ݙتی۔ ان????ں ہدایت کیتی جو جناح میڈیکل کمپلیکس دی تعمیر دے حوالے نال سارے اقدامات کوں مقررہ مدت اچ مکمل کیتا ونڄے۔ اجلاس اچ وفاقی وزراء احسن اقبال، احد خان چیمہ، شزہ فاطمہ خواجہ، وزیرِ مملکت صحت مختار احمد بھرتھ، وزیرِاعظم دے کوآرڈینیٹر مشرف زیدی، چیئرمین پاکستان کڈنی اینڈ لیور انسٹیٹیوٹ پروفیسر ڈاکٹر سعید اختر، چینی کمپنی دے سی ای او ڈاکٹر لیو-ژانپئے اتے وفد سودھے متعلقہ ٻئے حکام شرکت کیتی۔
.jpg)
